പക്ഷിപ്പനി

'പക്ഷിപ്പനി വ്യാപകമായ കുട്ടനാട്ടില്‍ കോഴികളെ കൊന്നൊടുക്കാന്‍ വിദഗ്ദ സംഘമേത്തുന്നു.'

"........ദേ മനുഷ്യനെ നിങ്ങള് പുറത്തെങ്ങും ഇറങ്ങി നടക്കേണ്ട കേട്ടോ..."

പത്രം പാരായണം നടത്തുന്ന സാറാമ്മയെ അര്‍ദ്ധഗര്ഭ്മായൊന്നു നോക്കി അവറാച്ചന്‍ അകത്തേയ്ക് പിന്‍വലിഞ്ഞു..!!

എ ഫോര്‍ ആപ്പിള്‍

സര്‍..പ്ലീസ് ഗിവ് മി യുവര്‍ ഇമെയില്‍ ഐഡി...
ജെ.മാമ്പ്ര അറ്റ്‌__
സോറി..സര്‍..ക്യാന്‍ യു സ്പെല്‍ ഇറ്റ്‌?
ഓക്കേ..
ജെ. ഫോര്‍..ജോക്ക്, 
എം. ഫോര്‍....മ..മ...*&%&*
വാട്ട്!!!?
-------------------
അല്ലേലും എളുപ്പം നാവിനു വഴങ്ങുന്ന വാക്കൊക്കെ ആര്‍ക്കും പിടിക്കൂല്ല..

ഉപദേശം

എല്ലാരോടും യാത്ര പറഞ്ഞ് എയര്‍ പോര്‍ട്ടിലേക്ക് ഇറങ്ങുമ്പോള്‍ അനന്തരവനെ ചൂണ്ടിക്കാട്ടി പെങ്ങള്‍ പറഞ്ഞു.
" ഡാ..ഇവനോട് വല്ലോം പഠിക്കാന്‍ പറയണം. ഫുള്‍ ടൈം ഫേസ്ബുക്കിലാ.."

എന്തോ പറയാന്‍ പൊന്തിയ നാവ് ഒരു ഗദ്ഗദത്തോടൊപ്പം ഞാന്‍ വിഴുങ്ങി.

ഓവര്‍ റേറ്റഡ്

'ഇങ്ങേരേ കാണുന്നതെ എനിക്ക് കലിപ്പാ..കുറെ ശിങ്കിടികള്‍ കൂടെ ഉള്ളതിനാല്‍ എഴുത്തൊക്കെ ഓവര്‍ റേറ്റഡ്ആണ്.'

അവാര്‍ഡ് വാങ്ങുന്ന സാഹിത്യകാരനെ ചൂണ്ടി അടുത്തിരുന്ന കക്ഷി അഭിപ്രായപ്പെട്ടു.
'ഉം...' എന്റെ മൂളലിനെ അങ്ങേര്‍ അതിനു പിന്‍ താങ്ങലായി വായിച്ചു.

ചടങ്ങ് കഴിഞ്ഞ്,
സാഹിത്യകാരന്റെ തോളില്‍ കയ്യിട്ട് നില്‍ക്കുന്നു കക്ഷി.
പ്ലീസ് ഞങ്ങളുടെ ഒരു ഫോട്ടോ...
ക്ലിക്ക്!

ഡല്‍ഹി മന്ത്രിസഭ

 'മരവിപ്പിച്ചു' നിര്‍ത്തിയിട്ട് എട്ടു മാസമായി
എന്നിട്ടും എം.എല്‍.എ മന്ത്രിമാര്‍ക്കു തണുത്തില്ല,
ഗവര്‍ണ്ണര്‍ക്കു കറന്റ്ചാര്‍ജ് ഏറിയില്ല.
ജനങ്ങള്‍ മടുത്തു, മരിച്ചു, മനസ് മുരടിച്ചു.

ക്ലൈമാക്സ്

"ആരെങ്കിലും ഒന്ന് കൊന്നു തന്നിരുന്നെങ്കില്‍ ആത്മഹത്യ ചെയ്തെന്ന പേരുദോഷം ഒഴിവാക്കാമായിരുന്നു."

കഥാകൃത്ത് തന്റെ ക്രൈം ത്രില്ലറിലെ 'അവസാന വരി' എഴുതിയപ്പോള്‍ കോളിംഗ് ബെല്‍ ചിലച്ചു.

പുറത്ത് അപരിചിതന്‍.

"സാറിന്റെ ആഗ്രഹം പോലെ നടക്കട്ടെ."