Thursday, December 13, 2012

ഹതഭാഗ്യന്‍

ഗള്‍ഫില്‍.
ഫലം വിഡ്ഢിത്തമാകും എന്നറിഞ്ഞുകൊണ്ട് തന്നെ പറയുന്ന വഴിയേ പണിയെടുക്കാന്‍ വിധിക്കപ്പെട്ട ആശാരി.
നാട്ടില്‍.
ആശാരിയുടെ പുരാതന ശൈലിയെക്കാള്‍ അപ്ഡേറ്റ് ഐഡിയായുമായി ആജ്ഞാപിക്കാന്‍ മടിയോടെ നിക്കുന്ന വീട്ടുടമസ്ഥന്‍..
രണ്ടിടത്തും ഹതഭാഗ്യന്‍ ഒരാള്‍ തന്നെ

Thursday, October 18, 2012

അച്ചായന്‍സ് ദീപാവലി

അയല്‍പക്കത്ത് വാടകക്ക് താമസിക്കുന്ന അണ്ണാച്ചിയുടെ മതിലില്‍ മണ്‍ചിരാതുകളിലെ തീനാളം തലപൊക്കി നോക്കി. ദീപാവലിയെങ്കില്‍ ദീപാവലി അച്ചായന്‍മാരും ഒരുകാര്യത്തിലും പിന്നോട്ടില്ലന്നു കാണിച്ചു കൊടുക്കണമെന്ന് ചാണ്ടിച്ചന്‍ തീര്‍ച്ചപ്പെടുത്തി.
വീട്ടില്‍നിന്നും കണ്ടെടുത്ത ഒഴിഞ്ഞ കുപ്പികള്‍ മാത്രം തിരഞ്ഞെടുത്ത് സ്വന്തം മതിലില്‍ അലൈന്‍മെന്റ് തെറ്റാതെ നിരത്തി വച്ച്, കരിക്കിടാന്‍ കയറിയപ്പോള്‍ കീറിപ്പോയ വെള്ളമുണ്ടുകൊണ്ട് തിരിയിട്ട് ആയിരം വാട്ടിന്റെ പ്രകാശം പരത്തി!
സിറ്റൌട്ടിലെ ചാരുകസേരയിലിരുന്ന് ആത്മനിര്‍വൃതിയോടെ മതിലിലിരിക്കുന്ന തൊണ്ണൂറ്റിയാറു കുപ്പികള്‍ എണ്ണിത്തീര്‍ക്കുമ്പോള്‍ അണ്ണാച്ചിയോടോത്തുള്ള ഒരു പാര്‍ട്ണര്‍ഷിപ്പ് വഴി ഇന്നുതന്നെ സെഞ്ചറിയടിക്കാമോ എന്നോരാലോചനയിലായിരുന്നു ചാണ്ടിച്ചന്‍.,.